லால்பேட்டை அருகே அரசு கலைக் கல்லூரி அமைக்க வக்ஃப் வாரியம் அனுமதி

லால்பேட்டை, மங்களம்பேட்டை, பரங்கிப்பேட்டை உள்ளிட்ட நகரங்களில் முஸ்லிம்கள் பெருவாரியாக வாழக்
கூடிய பகுதியாகும்.

மறைந்த முஸ்லிம் லீக் தலைவர் சிராஜுல் மில்லத் ஆ.க.அ. அப்துஸ் ஸமது சாஹிப் அவர்கள் சமுதாய மக்கள் பயன் பெற அப்பகுதியில் கலைக் கல்லூரி அமைக்க தொடர்ந்து வலியுறுத்தி வந்தார்.

அதனைத் தொடர்ந்து தலைவர் பேராசிரியர் கே.எம்.காதர் மொகிதீன் அவர்களும் அதனை வலியுறுத்தி வந்தார்.

லால்பேட்டை இமாம் கஸ்ஸாலி பள்ளி கூட விழாவில் கலந்து கொண்ட இந்திய யூனியன் முஸ்லிம் லீக் மாநில பொதுச் செயலாளர் கே.ஏ.எம். முஹம்மது அபூபக்கர் MLA அவர்களும் அப்பகுதியில் சமுதாய மக்கள் பயன் பெறும் வகையில் கலைக் கல்லூரி அமைக்க வலியுறுத்தி பேசினார்.

இந்நிலையில் சிதம்பரம் லால்கான் மஸ்ஜித் திற்கு சொந்தமான எள்ளேரியில் கலைக் கல்லூரி அமைக்க 5 ஏக்கர் நிலம் கேட்டு தமிழ்நாடு அரசு வக்ஃப் வாரியத்திற்கு விண்ணப்பித் துள்ளது.

இன்று 12.05.2018 காலை 10.30 மணி யளவில் தமிழ்நாடு வக்ஃப் வாரிய அலுவலகத்தில் நடைபெற்ற வக்ஃப் வாரிய கூட்டத்தில் சிதம்பரம் லால்கான் மஸ்ஜித் திற்கு சொந்தமான லால்பேட்டை அருகே உள்ள எள்ளேரியில் அரசு கலைக் கல்லூரி அமைக்க வக்ஃப் வாரிய உறுப்பினர்கள் அனுமதி அளித்தனர்.

புகைப்படம் & தகவல்:-
மேலப்பாளையம் அப்துல் ஜப்பார்
சட்டமன்ற உறுப்பினரின் தனிச் செயலாளர்

Related posts

Leave a Comment